من فترة جمعنى مكان بوزيرة سابقة فسألتني إيه حكم الحجاب فقولتها الحجاب فرض وخلعه معصية يافندم .

فابتسمت وقالت لي أنا سألت الدكتور علي جمعة وقالي نفس الكلام وكنت بلح عليه في السؤال وأكرره كتير فآخر مرة شخط في وقالي يافلانه الحجاب فرض أنت مش قادرة تتحجبي دي حاجه تانية ولكن ده مش هيلغي فرضية الحجاب ومتتكلميش تاني في الموضوع ده !

فتبسمت وقلتها يافندم ماهو مفيش جواب تاني الحجاب فرض بنص القرآن الكريم ومفيش عالم بيحترم علمه يقدر يقول غير كده.

وبعد فترة من الزمن فوجئت بالسيدة الوزيرة وهي تلبس الحجاب.

تخيل لو الدكتور علي جمعة عمل زي آخرين وسهل الأمر على

 السيدة الوزيرة كان هيحمل وزرها في رقبته والست مكنتش عمرها هتاخد خطوة الحجاب لأن خلعه مش حرام حسب ما قيل لها !

تخيل واحد المفروض عالم دين مؤتمن على شرع الله ويفتي للنساء بجواز إظهار المرأة لشعرها بل ويفتي بجواز لبس المكيروجيب مادام ده هو العرف والعادة عندهم في الإدناء!!!

 ويفتي بجواز شرب الشمبانيا مدام مش هتوصل لمرحلة السكر !!! 

نعوذ بالله من سوء الخاتمة ومن حمل أوزار الناس وذنوبهم .