الاختبار والابتلاء والفتنة ليها شروط ومواصفات يعني لما تبقى معاك فلوس ومش محتاج وحد يعرض عليك رشوة وترفضها ده مش عملي بطولي ولا اختبار حتى ولا فتنة ولكن لما تبقى مديون لشوشتك ومعرض للسجن ويجي حد يعرض عليك رشوة فترفضها هو ده الابتلاء والاختبار الحقيقي ومبروك حضرتك ناجح .
ونفس الشيء لما حضرتك تبقي شبعانة مشاعر وجوزك مهتم بيكي ويجي شخص يعرض عليكي مشاعر وعواطف وترفضي فدي مش بطولة ولا ده اختبار اصلا
البطولة فعلا والاختبار الحقيقي لما تبقي محرومة مشاعر وجوزك هاملك تماما أو مش بتحبيه ويجي واحد يعرض عليك مشاعر وعواطف وترفضي.
فمحدش يبرر لنفسه معصية أو ذنب ولا حد يلوم على الله ويقول ليه يا رب ده حصل
لأن الاختبار ديما بيجي في نقطة الضعف في المشكلة بتاعتك
بيجي في أحب ما تملك وأعز من تحب وأكثر ما تريد.
2
-2
