في يوم من الأيام رأيت الشيخ الشعراوي في المنام بعد موته فطلبت منه الدعاء..

 فقولتله ادعيلي يا مولانا فرد علي رد غريب كنت أول مرة أسمعه !!! 

لأن عادة لما بتطلب الدعاء من رجل صالح بيقولك مباشرة ربنا يكرمك ربنا يوفقك وهكذا !!

ولكن الشيخ الشعراوي في المنام كان رده مختلف لأنه سألني وقالي تحب أدعيلك بإيه ؟ فقلت له بكذا وكذا فرفع إيده إلى السماء ودعى !!! 

وصحيت مستغرب من ردة فعل الشيخ الشعراوي 

بعد فترة قابلت في الحقيقة واحد من العلماء كان قريب من الشيخ الشعراوي في حياته فبحكيله الرؤيا وإني استغربت من رد فعل الشيخ الشعراوي في المنام!!

 فالعالم ده ابتسم وقالي على الفكرة الشيخ كان بيعمل كده في الحقيقة وهو عايش لو حد طلب منه الدعاء فكان بيقوله تحب أدعيلك إيه!!! 

الشاهد من القصة دي إن الموت مش عدم زي ما الوهابية ما هما فاهمينها والرجل الصالح لما بيموت مش بينقطع عن أهل الدنيا وممكن يتقبال معاهم في المنام لأن الحي روحه بتخرج من جسمه عند النوم وتنطلق و تتقابل مع روح الميت فينتفع الحي من الميت بنصيحة أو بدعوة صالحة مستجابة . 

وفي اليقظة لما تروح تزور الصالح الميت في قبره وتطلب منه الدعاء روحه تسمع وتتوجه بالدعاء لك وهذا أمر يجيزه العقل ويقره النقل .