كان في واحد اسمه الألباني راح جاب الكتب وقعد يقرا مع نفسه بدون ما يتعلم على إيد الشيوخ وفكر نفسه بقه عالم والسلفية والوهابية نشروا بين الناس إنه أعلم أهل الأرض!!!
والألباني عمل زي الست اللي راحت جابت كتب الطبخ وفكرت نفسها تقدر تتعلم الطبخ من الكتب ومن غير ما تتعلم على إيد طباخة ماهرة في الطبخ!!
زي ما "لينا "عملت في مسرحية المتزوجون لما غسلت الفرخة بالأسمنت وقالت :
أصل مكتوب في كتاب أبلة نظيرة اغسلها بالدقيق دورت فكل مكان في البدروم في الاخر لقيتك بتخبيه في طبق قد كدة تحت الحوض غسلتها فيه كله
- تحت الحوض خدتي من اللي تحت الحوض ؟!!!
تغسلي الفرخة بالأسمنت يا لينا !!!!
المهم الألباني جه عند صيغة التشهد في الصلاة وعمل زي لينا !!!
قالك الصيغة بتقول " السلام عليك أيها النبي "
والكاف في كلمة " عليك" دي اسمها كاف الخطاب.. والخطاب لا يتوجه إلا للحي والنبي صلى الله عليه وآله وسلم مات ..
فلازم نحذف الكاف دي ونقول "السلام على النبي" وده جهل عمره ما يصدر من طالب علم مش عالم !!!
والجهل اللي قاله الألباني بيفكرني بالقذافي لما قال لازم نحذف كلمة "قل " من آية" قل هو الله أحد" و"قل أعوذ برب الفلق" و"قل أعوذ برب الناس " ونقول عالطول الله أحد .. أعوذ برب الفلق.. أعوذ برب الناس... لأن سيدنا محمد قال للناس خلاص ودلوقتي مش هيعرف يقول علشان مات ..
فلك أن تتخيل إن عقلية القذافي العامي غير المتخصص هي نفسها عقلية الألباني اللي بيزعم الوهابية إنه أعلم أهل الأرض !!!
2
-2
