اتيكيت : الضيفه بفستان شاطئ مفتوح و الضيف بجاكت كلاسيك

 

الضيفة هنا راحت لقاء موضوعه الإتيكيت، بفستان شاطئ مفتوح صيفي بالوان تريندي، تقابل مذيع معروف انه بيلبس بدل كلاسيك علطول..

 

إيه كان الأنسب؟

- بالاتيكيت لازم نحترم Dress Code لبس المذيع المستضيف لنا، فكان الأنسب يكون كتفها مقفول، فكان الافضل يكون معاها بلوفر Soft بالدانتيل مثلا تحطه على كتفها..

 

- بالاتيكيت لازم نحترم القاعدة العريضة من المجتمع ال هيتفرج علينا.. ملكة انجلترا لما زارت دولة عربية لبست طرحة..

 

طيب هل كان للحالة دي حل؟

آه، كان الافضل "والأروش" للمذيع لما شافها جت بفستان مفتوح إنه لازم يقرر يشيل الجاكيت الكلاسيك قبل التصوير علشان العين متنفرش من التناقض، وبعدها لازم يفتح اسورة كم القميص ويشمرها لفتين، لان بالاتيكيت الراجل لو شال الجاكيت لازم يشمر القميص..

 

الاتيكيت يعني ازاي استعمل او اعمل الحاجة صح لنفسي ولمن حولي.

الاتيكيت مش في الاكل بس، ده في الكلام والتحركات وكل التصرفات والتعاملات واللبس "علشان كده اللبس له Dress Code".

 

#فيرا_زولوتاريفا