في روسيا الروسيات بيهتموا باللبس والقوام جدا اكتر من المصريات، والمصريين بيهتموا بالاكل اكتر من الروسيين.. احتمال يكون السبب إن روسيا بسبب الحرب العالمية التانية مات فيها 26 مليون روسي معظمهم رجال.. حسب إحصائية لسنة 2020 أصبح لكل 100 سيدة روسية 86 رجل، إنما في مصر لكل 100 سيدة مصرية 105 رجل.. في روسيا منافسة قوية بين النساء للزواج.. علشان كده الست الروسية بتهتم جدا بقوامها، وبمظهرها في لبسها وأظافرها وشعرها وشنطتها وحذائها.. عندنا نسبة الإكتئاب بين السيدات متوسطات الجمال كبيرة بسبب وجود سيدات جميلات أنيقات كتير في الشارع، وممكن نلاقي سيدات بيتعالجوا نفسيا بسبب إن قوامهن مش رشيق.. سبب تاني إن الروسيات بيشتغلوا من صغرهن، فبيتعبوا في الفلوس فبيشتروا لبس صح ومش كتير..
عندنا في روسيا بيقولوا على اي مقابلة بين 2 لاول مرة "السلام في أولها بيكون باللبس، وفي اخرها بيكون بالعقل".
عاوزه أقول إن اللبس مهم ومش كماليات للسيدات في كل مراحل عمرهن.. اللبس بيزود فرصتك في كل حاجة زي الدراسة والعمل والزواج.. وده ال انا بحاول انقله لكم من وطني الأول.. كليتي كان فيها مقابلة شخصية للتقديم، كنت لابسه فيها فستان اسود من تصميمي، بعد قبولي صاحبتي قالتلي بعد 3 سنين "لما شفتك اول يوم قلت مستحيل اكون صديقة لها في يوم من الايام من مستواها واناقتها" مع إن مستوايا نفس مستواها..
دي صورة من جروبنا Vera Zolotareva outfit ideas للبس بنوتة كان عندها مقابلة تقديم للعمل في شركة.. فلما حبيت أقيمه، سألتها على اسم ونشاط الشركة، عرفت انها شركة طيران، فجبت صورة لزي الشركة.. عجبني إنها لبست كاب زيهم على فورمال، لكن بلمستها مش تقليد للزي الرسمي.. Outfit صح يليق بالمنصب..
لو بتقدمي لمنصب معين إهتمي بشكل اظافرك والبسي لبس وحذاء وشيلي شنطة يليقوا بالمنصب، لو بتقدمي لمنصب مديرة إظهري بمظهر مديرة.. لو موظفة وطموحك المنصب الأعلى إظهري بمظهر يليق بالمنصب الأعلى.. لبس سن البلوغ غير لبس سن الزواج غير لبس العمل غير لبس بعد الزواج والأم، غير لبس الجدة..
البسي لبس يعبر عن كل مرحلة من عمرك صح..
بحبكم وبحترمكم جدا. 
غازي جابر البشير زايد
د. نهى فؤاد محمد رشاد
احمد محمد عبد الوهاب كريدي
د. زينب عبد السلام محمد أبو الفضل 
زين دومه عبد العاطي الابوز
عبير عبد الرحيم عبد الحميد السيد
مي رضا أحمد عثمان
منى أحمد محمد إبراهيم
د.خليل السيد خليل محمد
محمد عبد المنعم ابراهيم محمد
د. نهله عبد الحكم احمد عبد الباقي 
د. عبد الوهاب المتولي بدر 
زينب حمدي 
حنان صلاح الدين محمد أبو العنين 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
م. اشرف عبد الصبور الكرم 
1
-1
