نزلت مع زوجي اشتري انتريه من ايكيا المعروف عنه في اوروبا إنه رخيص، بفضله لإنه يبيع العفش قطع تتنقل وتتركب وتتفك بسهولة، عجبني واحد فزوجي راح يشتريه، لكني وجدته غالي فرفضت. الزوجة لازم تحافظ على فلوس زوجها حتى لو هو موافق يصرفها لإرضاءها، وخصوصا في وقت الأزمات.
رحت مكان التخفيضات لقيت ركنة منه بتتباع بواقي نص تنجيد بدون المخدات بتخفيض 60%. جات لي فكرة اعمل منها الانتريه، لكني روحت البيت افكر، لإن الصح في الشوبينج ما تاخديش القرار في ساعتها.
تاني يوم نزلت اشتريت 8 ركنات منها. المشكلة كانت ازاي اكمل تنجيد 6 ركنات منهم بنفس القماش علشان اعمل منهم 3 كنبات. فكيت قماش ركنتين من ال8 وقصيته وخيطته وكملت به 6 ركنات عملت منهم 3 كنبات، ونزلت اشتريت قماش جديد نجدت بيه الركنتين ال فكتهم وعملت منهم كنبة رابعة بلون مختلف.
المشكلة التانية كانت مفيش مخدات، لكن لقيت ايكيا بيبيع الكسوة بتاعتها فاضية، فاشتريتها واشتريت الفايبر من محل تاني ومليتها.. وبالطريقة دي أصبح عندي انتريه كامل نفس اللون، وكنبة زيادة لون تاني
إحنا في وقت لازم الزوجة تصرف فيه بحرص في الفرص بس، فتوفر وتحول المحنة لمنحة تخف بيها الحمل عن زوجها وتخليه يحترمها أكتر.
الحياة فرص واستغلالها طريق لقمة نجاحك وسعادتك في حياتك وشغلك.
#فيرا_زولوتاريفا
2
-2
