قهوتك سكرها ايه
لون عنيكي شكله ايه
الورود اللي تحبي تقطفيها
سميهالي ف البوكيه
طب تحبي الصبح تمشي
تعجبك رسمة دافنشي
السهاد كحلي رمشي
وانتي مش دريانة بيه
طب تحبي غداكي ايه
يعني بتحبي المسبك
وللا بتحبي السوتيه
وأما النجم الليل يقرب
تحت منه بتسهري
والكلام لو ليكي مني
من بحوره بتسكري
وف منامك هل بزورك
هل بكون فارس مغامر
فك كل حصار بحورك
وللا انا بس اللي عاشق
وانتي بس لعبتي دورك
ياااه يا روحي لو تبوحي
وللا يعني بلاش تبوحي
سيبي بابك ليَّ جايز المحك لو يوم تلوحي
عالمدا والله عاشق
روحي فارقت يوم ما فارق
هو يعني كنت فارق
وزعوني ع المفارق
حطوا قلبي ع الشريط
لو هتركب كهربا
وافرشوا روحي تهاودها لو ف يوم متعصبة
مدوا درعاتي وصوابعي ع الرصيف
لاجل ما يتحنوا منها لما تمشي ف كل صيف
واعملوا من نن عيني مج ليها
يكفي لما تبص لي هلمح عنيها
ومن بياض العين ستاير فوق ازازها
اصل انا عارف حبيبتي عمرها ما تقفل ازازها
يبقي بس يا روحي كلمة
حبي ليكي اغلي نعمة
واللي كتبه ليكي كلمة
جنب حبك متسوايش
والكلام والله صادق
صدقيني مكنش طيش
2
-2
