انا كنت فاكر نفسي
اقوي م الفشل
وبأني هذا الشخص فوق صهوة جواد الأمنيات
فارس أمين.. فارس نبيل
وسبت عقلي يمتلك خيط الخيال.. ويكر فيه
وحاربت ضد الريح كتير
وقريت كتير عن (دونكي شوت) ما فهمت شئ
القصد يعني عشان نقصر ف الكلام
القلب خام.. أما المشاعر من رخام
وانا زي جزء من الغمام طاير لفوووووق
ويادوب كده بأبدأ افوق
لقتني نازل م السما ورقبتي تحت
قمت انبطحت..
انا كنت فاكر نفسي أقوى م الفشل
هذا انا.
ولا زادني طول الليل وجع
ولا زادني دمع العين جروح
انا كنت روح... بس اندبحت