دوبلير للقطة ف فيلم .

و القصة تشبه حلم

 اما البطل دول يرقصوا له

 قبل النهاية يصقفوا له يهيصوا له يهللوا له

اما اللي ف النار اتحدف دوبلير عبيط 

 ما يجزشي ليهم يذكروه علشان بسيط

 آخر المتمة يعيدوا تاني لقطته 

عشان سيادة المخرج مش عجبه الفرام

 يصرخ يقول اللقطة دية مش تمام

 هاتوا الجدع ده اللي اسمه ايه 

يرد صوت من الوجع هتعيدوا ايه

 يرد مخرجنا الهمام :_يقوله هنعيد الفينال

 لحظة ما احلام البطل وياه يتوهوا ف النيران

انا عايز احس الصدق ف عنيك يا اسمك ايه

 ... تاني اسمي ايه ؟ وصدق ايه ؟؟!

 ما انا كلي جوه النار يا بيه

 ارحمني ده انا جسمي اتهرا

 انزل بتترك قبل ما تطلع جنازتي

 وبلاش تجيب اسمي علي سطح الافيش

مكتوبلي اعيش و اندفن من غير ما اعيش