عندما بدأنا في التدريب علي الدوريات كانت هناك داوريه ليليه سنقطع فيها ٥٠كيلومتر سيرا علي الاقدام ولم نأخذ فيها سوي زمزميه مياه عبوه لتر واحد وكان مشرف الفرقه هو..الملازم اول/........( لن اذكر اسمه لسبب ستعرفونه في نهايه البوست). احد المعلمين الاكفاء المحترفين..كان منظره يخض فهو ليس بقصير او طويل ..جسمه كله عضلات حتي اصابعه كانت العضلات تلتف حولها وكان اكثر مايميزه تلك العضلات الناميه بشكل ملفت فوق كتفيه ورقبته مدفونه بينها وكان اسمر اللون من السمار المحبب للنفس وعيناه من اللون العسلي الفاتح .كان كله علي بعضه حليوه ومعجباني وهو يعلم ذلك..!!! طوال الفرقه كان كتله من الغتاته والرزاله وبالذات معايا ...!!!!!! وعندما بدأنا السير في الداويه حتي ركب العربه الجيب المصاحبه لنا فوق الكبوت لها مستندا بظهره علي الزجاج الامامي وواضعا رجلا فوق رجل... وماان قطعنا العشره كيلوات الاولي حتي نادي علي قائلا يافدائي طلبه انا عطشان وعايز اشرب(نوع من الغتاته)فأعطيت له الزمزميه فشرب منها الي نصفها....وبعد حوالي ربع ساعه نادي علي مره اخري قائلا هات زمزميتك وشربني(اصرار علي الغتاته) فقدمتها اليه فشرب منها ماشرب حتي بقي فيها اقل من ربعها وردها الي وهو يقول لما اخلصا وعزت تشرب حط زلطه تحت لسانك....غضبت في داخلي واغتظت بشده وهنا قفز شيطاني من داخلي وجلس علي كتفي وهمس في اذني ...ده بيذلك...هاتسيبه يذل فيك كده علي طول لغايه مايخلص لك الميه وتتسول من زمايلك بعد كده علشان تشرب......حط بصمتك عليه....حط البصمه الكبري عليه....وظل يردد حط البصمه. ... وقررت وضع البصمه!!!!!!!!!
انتحيت جانبا من الداوريه وقمت بالتبول في الزمزميه الي قبل نصفها حتي لايلاحظ خفه وزنها واختلط البول بالمياه ... ووضعتها في جرابها...وانضممت علي الداوريه ....بعد حوالي الساعه نادي علي مره اخري قائلا هات زمزميتك وشربني..!!!! فذهبت اليه واعطيته الزمزميه ووقفت امامه انتظر ماذا سيحدث.ورفع الزمزميه الي فمه واخذ في الشرب وفجأه توقف ونظر الي فوجدني انظر اليه وابتسم فصاح ياابن..........(كلام خارج)عملتها فيا..والله لاوريك..وقفز من فوق العربه ممسكا بعصا في يده فجريت من امامه داخل الجبل وظل يطاردني لمسافه حوالي كيلومتر حتي امسك بي...!!!وطبعا انتم فاهمين اللي حصل بعد كده...ورجعت الي مكان الداوريه زحفا وهو واقف علي ظهري...
وتمر الايام والسنين وانا برتبه المقدم وفي وظيفه قائد ثاني كتيبه يدخل علي العقيد/(مشرف الفرقه )معينا قائدا للكتيبه وبمجرد رؤيته لي حتي ضحك ضحكه عاليه جدا سمعتها الكتيبه كلها وصاح قائلا طول خدمتك معايا اوعي تجيب لي حاجه اشربها....وخدمنا مع بعض حوالي السنه كانت من امتع سنوات خدمتي كانت. كلها اخلاص وشهامه منه وحب وموده واصبح صديقا لي...
هكذا اضع بصمتي علي كل من يغضبني.
تحيا مصر الوطن...
ملحوظه:
ارجو واتمني من زملائي اللذين خدموا معي في اللواء الرابع المشاه واللذين سيعرفونه من وصفي له ان لا يذكرون اسمه في تعليقاتهم لسببين الاول انه اصبح صديقي العزيز والثاني انه في رحاب الله...والا ساضع بصمتي علي من سيذكر الاسم....عمر القاضي بالذات.....
2
-2
