رد الاعتبار....
لم يغمض لي جفن خلال ليله اتمام القفزه الاولي لاسباب كثيره اهمها فرحتي الغامره بالقفز بالرغم مما سببه لي من رعب شديد وثانيا شلوت الصول عبد الكريم واثاره علي بنطلون افارولي وثالثا تفكيري المتواصل المنفرد بدون شيطاني الهارب مني في كيفيه الرد عليه......
في الخامسه من صباح اليوم التالي نزلنا ارض الطابور تمهيدا لطابور اللياقه البدنيه استدعاني النقيب/محمد حسين طنطاوي وذهبت اليه فأخبرني بانه غير راضي عما حدث لي من تصرف غير مقبول من الصول عبد الكريم بخصوص وضعي اول قافز بالرغم من ترتيبي في القفز قبل الاخير وانه سيقوم بكتابه تقرير بذلك لقائد مدرسه المظلات العقيد/اسماعيل عزمي وقائد القوات الخاصه العميد/محمد سعد الدين الشاذلي...!!!! فرجوته بشده ان لا يفعل ذلك لتجنب رد فعل باقي المعلمين علي الدفعه كلها وخاصه ونحن في بدايه القفز علاوه علي ان الامور انتهت علي خير..وقلت له كلاما كثيرا والححت عليه في ذلك وانهيته بقولي سيبهولي يافندم وانا هااتصرف معاه بطريقتي....!!!!!!
بعد ظهر هذا اليوم ظهر شيطاني فجأه ودار الحديث التالي بيننا همسا....
انا:كنت فين ياجبان...-؟؟
هو:انا برضه اللي جبان..!!هو انت ماشفتش نفسك والا ايه...!!!؟؟؟
انا:انا في الاخر قفزت...انت عملت ايه..؟؟؟
هو:ماانا برضه قفزت زيك وكنت متشعبط فيك بس انت ماحستش بيا وبعد ماوصلت للارض رحت لاهلي اطمنهم...هو انتم شغلكم كده علي طول...!!!!؟؟؟؟
انا:يعني شفت اللي عمله فيا الصول عبد الكريم...!!!
هو:طبعا شفته ونالني من الحب جانب ..ده رجله فعصتني...
انا:وانت راضي علي كده.؟؟؟!
هو:لا طبعا ولازم ترد عليه.
انا:ازاي...؟؟؟؟؟؟؟
هو:اديني فرصه افكر....يوم واحد بس
انا:ماشي الكلام...
...............................انتظروني لرد الاعتبار..
تحيا مصر الوطن.....
2
-2
