جلست في انتريه غرفه مكتبي وعلى كرسي مقابل هذا الصحفي وبدأ هذا الحوار....

انا: عجبك الاكل..

هو: طبعا مافيش احسن من كده

انا : وطبعا عرفت اننا ناس شرفاء ومابنعملش الغلط

هو: طبعا انا النهارده شفت حاجات ماكنتش متخيل حلاوه زي كده

انا : يعني انت كده ظلمتنا

هو: والله يافندم دي كانت غلطه مني

انا: معلش الغلط هايتصلح ان شاء الله

وهنا دخل الملازم اول خيري ومعه عقد التعين له بالنادي ووقعت عليه وكان من صورتين ثم ناولته له ووقع هو عليه أيضا ثم وجدته ياخذ صورته ولكني قلت له مش دلوقتي لسه الملازم اول خيري هاياخده تاني لختمه بشعار الجمهوريه وختم النادي ثم يسجله في دفتر العاملين المدنيين بالنادي وفعلا اخذته منه وسلمت الصورتين الي الملازم اول خيري وامرته بختم العقد وتسجيله وغمزت له غمزه ذات معنى بأن يحتفظ بالصورتين عنده وامرته بإحضار درع النادي من المستوى الأول فأحضره فقمت بتسليمه لهذا الصحفي مع كلمتين حلوين من التي تقال في مثل هذه المناسبات....

بعدها حضرت الانسه داليا ومعها الكارنيه الذي وعدته به واعطوني اياه فوضعته أمامي وكذا الظرف المحتوى على ورق فاضي ومنفوخ على الآخر وبخباثه شديده وضعت هذا الظرف بحيث يكون اسمه المكتوب عليه في متناول نظره ثم قلت له اعتقد ان زيارتك للنادي ناجحه وعلشان هذا النجاح بطلب منك كتابه كلمه في سجل زيارات النادي فرد بالايجاب فأمرت الملازم اول خيري بأحضار سجل الزيارات واعطاؤه له وبمجرد تسليمه السجل حتى بدأ في الكتابه واستغرق وقتا طويلا تجاوز الربع ساعه حتى ملاء صفحتان كاملتان ووقع عليه وكتب تاريخ يوم هذه الزياره وسلمه لي وقرأته بتمعن شديد فوجدت كل ماكتبه عباره عن مديح شديد في النادي وفي شخصي

المهم استلمت منه السجل وسلمته للملازم اول خيري وهنا لكزني بندق وهمس الحساب دلوقتي فبرزت انيابي على الفور وظهرت العين الحمرا وتقدمت حتى وصلت أمامه وبكل الغل الذي بداخلي وجهت له صفعه قويه قائلا دي بتاعه امي اللي جبت سيرتها في التحقيق الوسخ بتاعك لحظتها دخل نائبي العقيد شوقي عبد المنعم ومعه كل من ضابط الأمن وطبيب النادي ورجلي التحريات العسكريه علاوه على سكرتير مكتبي اللذين كنت اتفقت معهم بالانتظار بغرفه المراقبه المركزيه وعندما يشاهدون استلامي سجل الزيارات منه يدخلون مكتبي

ملحوظه:

الصفعه التي صفعتها له بكل الغل كانت من نتيجتها تهتك في اربطه معصم يدي واستتبع ذلك وضعها في الجبس لمده ٤٥ يوم.....

المهم كانت المفاجأه له كامله مما جعله في حاله من الشلل الدماغي فأمرته بالوقوف والذهاب الي الحائط يسار مكتبي وخلع ملابسه كامله كما ولدته امه فقال ازاي الكلام ده فرددت عليه ده بقى كلامنا روح عند الحيطه واقلع هدومك وخليك ملط فتكاسل بعض الشيئ وهنا تدخل رجل التحريات العسكريه وصاح في وجهه اسمع كلام سياده العميد واقلع ملط لأننا هانستلمك منه خالي من الاصابات ولازم نتأكد من كده يالا بلاش تضيع وقت علشان يومك طويل معانا وخلع ملابسه وامرت طبيب النادي بالكشف عليه والتأكيد على خلوه من اي أصابه ظاهريه قائلا له هينه وانت بتكشف عليه فنفذ على الفور ثم صاح بأعلى صوته تمام يافندم خالي من الاصابات وقمنا بأثبات ذلك في إيصال تسليمه الي التحريات العسكريه ووضع في يده الكلابشات وامرت بتحريز سجل الزيارات وشرائط الفيديو وتسليمها الي رجال التحريات العسكريه واثناء مغادرته لمكتبي قلت له انت عايز تعمل عملتك ولا تحاسب عليها تشتم في الجيش وفاكرها هاتعدي كده وتسبني وتجيب سيره امي واسيبك فرد منه لله فقلت له مين ده فرد على الفور احمد بتاع الاتحاد المصري للرمايه

(له بوست فساد شديد خاص)

فقلت له ابقى قول كل اللي عايزه في التحقيق معاك....

وذهب مع رجال التحريات العسكريه....

في صباح اليوم التالي ذهبت إلى مكتب التحريات العسكريه لاستكمال التحقيق ولكن مدير المكتب قال لي يافندم لاداعي لذلك فلدينا الجريده التي بها التحقيق الصحفي ولدينا مايؤكد كذبه من خلال سجل الزيارات وشرائط الفيديو دي قضيه مقفوله وفعلا تحاكم هذا الصحفي وصدر ضده الحكم بسنه حبس ولكن عند التصديق على الحكم من السيد المشير خفضه الي سته شهور.....

حد منكم عايز يشوف العين الحمرا.... هاهاهاهاهاي

المجد لجيش مصر... وتحيا مصر الوطن.....