جلست أمام الرجل الدين صاحب المكتب الفاخر ودارت هذه المحادثه

ملحوظه:

ارجو من الأصدقاء الاحباب من الألفاظ والكلمات خلال هذه المحادثه وفهم معانيها المستمره وما تلمح له......واعتذر عن معانيها الفاحشه.... 

هو: حضرتك لفيت في المعهد.. ايه رأيك

انا: حاجه عظيمه جدا(كذب)

هو: حضرتك استقريت على حاجه

انا:طبعا هاتعلم كل الرقصات بس هانبتدي بالسلو وهانضغط الوقت وزي ماقلت التكلفه هاتبقي ١٢ جنيه للكورس الواحد ×٤ رقصات=٤٨ جنيه بس بشرط انا ماعييش فتاه او سيده علشان الرقصه تتم صح

هو: مش مشكله خالص احنا هانوفر ليك واحده ترقص معاك بس التكلفه هاتبقي ١٥ جنيه

انا: الفلوس مش مشكله بس بشرط البنت أو الست اللي هاترقص معايا عايزها تحط راسها على صدري وهي بترقص

هو: لمعت عيناه بشده وكأنه اقتنص صيدا ثمينا ثم قال ضاحكا وماله ده لو حضرتك عايزها تركب فوقك هاتعمل كده ده احنا عندنا خدمه Vip كنت هاعرضها عليك لو حضرتك عندك حفله وممعاكش فتاه او سيده احنا ممكن نوفرلك واحده ولو اتأخرت في الحفله ممكن تروح معاك وتبات عندك

انا : اتفتحت نفسي لاستدراجه ليقول كل ماعنده وبخبث شديد قلت تبات معايا فين ده بيت عيله ماقدرش اخدها معايا

هو: ولا يهمك احنا عندنا شقق ممكن تبات فيها معاك ولو مش معاك عربيه احنا ممكن نوفر ليك تاكسي تبعنا يفضل معاك طول الليل لغايه مايوصلكم للشقه اللي هاتباتوا فيها

انا : والست او البنت دي حلوه ولا اي كلام

هو: ياباشا احنا هانجيب ليك ٣ او ٤ وانت اللي تنقي منهم

انا : هو انا هاجي هنا علشان انقي

هو: طبعا انت هاتستلمها من هنا علشان هاتدفع تكاليف الليله كلها عندنا

انا: في سري ياولاد الكلب دي شبكه دعاره متكامله الأركان والامكانيات.... بس شبكه شيك.. هاهاهاهاهاي ثم قلت له تكلفه الليله دي بتبقى كام

هو: مش كله زي بعض ولكن بتبتدي ب٤٠ جنيه

انا: كويس جدا ده انا هابقى زبون عندكم بس خلينا في موضوع الرقص

هو: فتح الدوسيه الموجود على سطح المكتب وأخرج منه ورقه مطبوعه مكتوب على رأسها استماره بيانات ثم بدأ يسألني ويكتب فيها الاسم من فضلك

انا: عماد الدين عبد الرحمن محمد.... (اسم وهمي)

هو: رقم البطاقه الشخصيه

انا: ١٢٢٢٦(رقم وهمي)

هو:السن

انا :٢٦ سنه (صحيح)

هو: العنوان

انا: ١٠ شارع محمد مظهر بالزمالك الدور الخامس

(عنوان وهمي)

هو:الرقصه المطلوبه... هاكتب كل الرقصات ولا غيرت رأيك

انا:لا طبعا اكتب الاربعه رقصات بس هانبتدي برقصه بالسلو مع بنت او ست معايا احسبهم كلهم وقولي اجمالي التكلفه

هو: كتب ثم رفع رأسه وقال اجمالي ٦٠ جنيه

انا: طيب انا مش معايا المبلغ كله ولكن هادفع عربون والباقي هادفعه بكره ايه رأيك

هو: وماله هو حضرتك مش هانبتدي من النهارده

انا: لا بكره ان شاء الله واخرجت خمسه جنيهات واعطيتها له والذي خطفها من يدي قائلا حضرتك هاتبقي زبون Vip عندنا.... هاكتب لك وصل بالمبلغ

انا : مش مهم لما ادفع الباقي يبقى نكتب وصل واحد

هو: شرفتنا ياباشا وفي انتظارك بكره ان شاء الله

وقمت وذهبت ناحيه الباب المغلق من الداخل بالمفتاح وكان يسبقني حارس المعهد وأخرج مفتاح الباب من جيبه وفتح الباب. وخرجت واصبحت حرا مره اخري

 وطبعا لم اذهب الى هذا المعهد او في اتجاهه وسافرت الي موقعي بالاسماعيليه ولكن ظلت المحادثه التي دارت في المعهد تطل من دماغي لمده عشره ايام والتي بعدها وصل خطاب من مجهول الي اداره مباحث الآداب به كل احداث اللقاء وبعد حوالي شهر أغلق المعهد وظل مغلقا ورفعت يافطته حتى عام ١٩٧٥ ثم فجأه وجدتها موجوده مره اخرى فتره من الزمن الي ان رفعت مره اخرى منذ عشره سنوات وعندما سألت بواب العماره أبلغني ان مستأجر الشقه توفي واسترد ورثه مالك العماره الشقه وغيروا نشاطها....

ملحوظه:

قد ينتقدني بعض الأصدقاء الاحباب وقد حدث بالفعل على مادفعته مقابل هذه الزياره لهذا المعهد واعترضوا على كبر قيمتها والحقيقه انني اشهد بكبر قيمتها في ذلك الزمن ولكن بالنسبه لي لم يكن يعنيني هذا بجانب المعلومات التي حصلت عليها افادتني عند مواجهه هذه المواقف التي كانت مجهوله لي.. وان المال لاقيمه له اذا لم تستفد منه..

               (انتهى)