# محدش فيكم ذاق طعم المعيشه بداخل ملجأ تحت الارض لمده ٦سنوات متصله

# محدش فيكم ذاق طعم النوم على لوح خشب مرفوع على اربع طوبات ومفروش فوقه بطانيه ميري ومتغطي بواحده اخرى طوال الشتاء القارس

# محدش فيكم ذاق طعم الجاز المتسرب من دخان لمبه جاز نمره ١٠ والتي كنا نضيئ بها أمور حياتنا ليلا

# محدش فيكم ذاق طعم الاكل الميري البارد والمجرمز من السمن الصناعي المطبوخ به

# محدش فيكم داق طعم ندى الفجر اللي بينزل على اكتاف الواحد زي الواح الثلج.

# محدش فيكم ذاق طعم برد الشتا القارس لما تمر على موقع وحدتك الدفاعي للاطمئنان على جنودك أثناء خدمه الشنجي

# محدش فيكم ذاق طعم العواصف الرمليه والتي تملأ وجهك ورموشك وفمك وداخل ملابسك بالرمال

# محدش فيكم ذاق طعم الميه السخنه نار التي تنزل من فم الزمزميه عندما تريد الشرب منها في الصيف أثناء مشروعات التدريب الرهيبه التي قمنا بها

# محدش فيكم ذاق طعم النوم في الطل بلا غطاء ومتوقع في اي لحظه لدغه عقرب او عضه ثعبان......

كل ده ذقته انا وجيلي من الضباط والجنود خلال حرب الاستنزاف وحرب أكتوبر بكل الرضا والحمد..... عارفين ليه.؟

علشان بلدنا كله يهون....