كان سؤالي له...هو فيه قتل بشرف يامحمود !!!؟؟ فرد ايوه يافندم انا لااقتل غدرا ولا اقتل من الضهر ولازم اتأكد من كلام اللي مأجرني والاهم من ده لازم وشي يكون اخر حاجه يشوفها القتيل قبل مايموت....وعلشان سيادتك تعرف قصدي هااحكي لك حكايه تلخص كل اللي عايز اقوله......وبدأ يحكي

كان هناك رجل فلاح يملك ٧ فدان في المنوفيه من احسن اراضي القريه اللي هو فيها وتزوج من فتاه رغما عن اهله من قريه اخري وانجب منها ولدين ثم توفي وهما بسن صغيره الاول كان عنده ٧ سنوات والتاني عنده ٤ سنوات وبمجرد وفاته هجم اخوه الاصغر منه علي منزله وطرد زوجه اخيه المتوفي واولادها ليس من المنزل فقط بل من القريه كلها واستولي علي املاك اخوه سواء المنزل او الارض وحاولت السيده مرارا ان تستعيد منه ميراث اولادها فلم توفق فحضرت الي واعطتني مصاغها لقتل هذا الرجل عم اولادها وكان لاينجب وبقتله سوف يورث اولادها فيه علاوه علي ميراث ابوهم سوف يعود اليهما فقلت لها اديني اسبوع وبعدين هاابلغك وانصرفت فذهبت الي القريه وقعدت فيها الاسبوع وتأكدت من صدق السيده وعندما عدت استدعيتها ورددت لها مصاغها وقلت لها انا هااقتله ببلاش علشان يستاهل لانه اكل حق اليتامي...

هكذا كانت فلسفته في القتل.....!!!!

وحكايات اخري لهذا العالم السري في دنيانا الظالمه هذه وحاولت ان اقنعه بان مايفعله خارج عن ديننا الحنيف او عن القانون وفوجئت به يقول لي في احد المرات هو مش سيدنا الخضر قتل برضه ..!!!!!!!!! يافندم انا عارف اللي كنت بعمله ربنا محرمه بس في نفس الوقت انا عايش حياتي بمنتهي الامانه والشرف مع نفسي.....يمكن ربنا يغفر لي مافعلته فسألته وهل ستعود لهذه الحياه مره اخري فرد يافندم الجيش علمني حاجات كثير هااستفيد منها بعد خروجي.....

في يوم خروجه جاء ليودعني فقلت له هاتعمل ايه يامحمود بعد خروجك فرد انا هاادور علي حته ارض ازرعها واوعدك يافندم اني مش هاامد ايدي علي حد تاني فتمنيت له التوفيق وغادر الكتيبه وظلت اخباره منقطعه عني لفتره الي ان علمت انه سافر الي ليبيا وتزوج فتاه ليبيه واستقر هناك....

وايا ماكان اقول له.....لقد شاهدت منك الجانب المضئ من تصرفاتك وحياتك في القوات المسلحه وصارحتني بالجانب المظلم الذي عشته قبل دخولك الخدمه ومابين الجانبين يقف. الله عز وجل حكما عادلا عليما بما تخفي الصدور.....

ملحوظه:

من المصادفات الغريبه ان تاريخ ميلاد هذا الجندي مطابق لتاريخ ميلادي باليوم والشهر والسنه.....!!!!!!!

المجد لجيش مصر....وتحيا مصر الوطن.