عدنا وهذا اللواء الي ارض الطابور ووقفنا عند قاعده العلم كما بدانا فقال لي ..يعني ايه ده..؟؟ هو انا مش هلاقي عندك غلطه..؟!! فرددت عليه والله يافندم المركز قدامك واحنا لفينا في كل حته فيه واي مكان عايز تدخله اتفضل...فقال انت بتتكلم بثقه اوي هو انت مش خايف ولا ايه!! حسبتها بسرعه وقلت لنفسي هي خربانه ..خربانه...فرددت عليه بشيء من الحده يافندم اخاف من مين..ومن ايه انا ماباخفش الا من اللي خالقني...فاحمر وجهه من الغيظ وقال طيب اجمع لي الجنود المستجدين عايز اقعد معاهم لوحدي وانتظر انت في المكتب......طلب غريب لم يحدث من قبل ان اجتمع احد القاده بجنود قائد اخر بمفرده..فقلت له ازاي ده يافندم انا لازم اتواجد مع جنودي فشخط في قائلا هو كده نفذ الامر ياسياده العميد...فنفذت ما طلبه وبقي هو مع الجنود وانتظرت انا بالمكتب لمده ساعتين كاملتين وهو يحاور ويداور الجنود علي ان يذكروا اي شكوي ولكن جنودنا اذكياء فلقد شعروا من طريقه ادارته للحوار انه يريد الغدر بي..فلم يتكلم احد منهم بالسوءعني ولكن العكس كلهم.....اه والله كلهم شكروا اعمالي في المركزوما اقوم به لهم ونصره المظلوم منهم ومحاولاتي المستميته لحل اي مشاكل لدي اي واحد فيهم..والحقيقه لم اتوقع او كنت اتخيل ان يحدث هذا منهم..لانني وطوال حياتي لا اضع اعمالي في كفه البشر ولكني اضعها في كفه رضاء الله وضميري فقط..

المهم في الرابعه والنصف استدعاني هذا اللواء قائلا البس بدلتك وحصلني علي الوزاره وركب عربته وانصرف...................انتظروني بشوق...

الحمد كله من الازل والي الابد لله...