في يوم 14 يناير كلفني قائد الكتيبه بتوصيل جثمان شهيد لبلده وتسليمه لاهله ...لم يوافق علي اعطائي عربه لتوصيله قائلا..هواحنا عندنا عربيه توصل المسافه دي..اشحنه في القطار وخد معاك 10 عساكر وضابط صف علشان تؤدوا التحيه له عند دفنه...وروح استلم مكافأه الاستشهاد من ضابط الماليات واستلم صندوق الدفن من الشئون الاداريه ..... كنت برتبه الملازم ولا اعلم شيئا عن هذه الأمور الاداريه .. المهم نفذت كل ماطلبه مني .وشحنت الجثمان من الاسماعيليه الي القاهره. ووصلنا الي محطه مصر في الثالثه صباحا.. ولكم ان تتخيلوا 10 جنود وضابط صف وانا حاملين جثمان شهيد وسائرين في فناء المحطه وكل الموجودين وقتها يتدافعون لحمل الجثمان..المهم وصلت الي مكتب التشهيلات بالمحطة وهو علي رصيف الصعيد..ووجدت بداخله الصول النوبتجي فقال لي املا استماره الشحن فرددت ماعرفش ..فمسك القلم وقال نوع الشحنه قلت جثمان شهيد.قال جهه الوصول فرددت .البداري /أسيوط فتوقف عن الكتابه برهه وقال هامسا .. ربنا يرحم الجميع...ولم أعلق..ووصلنا أسيوط واستدعيت مندوب التشهيلات لفك شحن الجثمان وسألني نوع الطرد ايه. فقلت جثمان شهيد. فقال رايحين بيه فين فرددت البداري /أسيوط .فقال في همس الله يرحم الجميع. فلما سمعتها قلت له.. استني عندك. أنا سمعت العباره دي في مصر وهنا .ايه الحكايه..؟؟ فرد قائلا هو انت فاكر انك هاترجع من هناك. دول هايقطعوكم...روح لقسم اول أسيوط وقابل المأمور وهو هايستدعي اهله وتسلموه في القسم وترجع لي بسرعه وانا ها احجز لك في قطر الساعه 5 علي مصر علي طول.....................