اعتذار واجب....
اتقدم باعتذاري الشديد لما سيحويه هذا الجزء من فحش القول فلست انا قائله ولكنه جاء علي لسان احد الشخصيات المحوريه واردت ان انقله كما هو حتي يعلم شبابنا ويتعلم وينتبه لطرق ووسائل التجنيد ليخونوا وطنهم.............انتهي
بعد اربعون يوما قضيتها منذ اخر اجازه حصلت عليها سمح لي قائدي العظيم بالنزول اجازه لمده اربعه ايام وعند وصولي للقاهره اتصلت بالمدعو علي وابلغته بانني في القاهره لمده اربعه ايام وحددت معه ميعاد في الساعه السابعه من مساء اليوم التالي وحدد هو مكان اللقاء في كازينو كروب وهو كازينو يقع علي النيل مباشره خلف القصر العيني وعلي امتداد شارع عبد العزيز ال سعود ولا اعلم اذا كان موجودا ام ازيل وكان هذا الكازينو يتميز بالهدوء الشديد والطعام الشهي...
وفي الميعاد المحدد وصلت الي الكازينو فوجدت هذا الشخص جالسا علي احد الترابيزات علي النيل مباشره وتبعد قليلا عن باقي الترابيزات وكان جالسا معه فتاتان عرفني عليهما.......
الاولي اسمها نعمات طالبه في السنه الثالثه بالمعهد العالي للتربيه الرياضيه بالجزيره وهو معهد داخلي ويمنح دارسيه اجازه خميس وجمعه وكنا يوم خميس....هذه الفتاه من احد القري التابعه لمدينه الزقازيق محافظه الشرقيه وكانت علي مستوي مقبول جدا من الجمال وجسمها ممشوق ولكنها من النوع كبير العظم لذا كانت ذات طول وعرض وكان اهم مايميزها عيناها الكبيرتان ذوات النظرات الجريئه والوقحه والتي تنطق وتفوح منهما رائحه الجنسوالشهوه علاوه حديثها معي فيما بعد كان كلامها من فحش القول والفاظه خادشه للحياء ..
اما الثانيه فأسمها ماجده وفي نفس السنه الدراسيه لزميلتها وهي ايضا من قريه اخري لمدينه الزقازيق اما عن مستوي جمالها فهو متفرد ..كانت ضئيله الحجم واهم مايميزها هي عيناها الزرقاوتان مثل موج البحر والصافيتان صفاء السماء في ليله صيف علاوه علي شعرها الحريري باللون الاصفر الغامق كلون سنابل القمح....( زودت فيها انا شويه ..مش كده برضه)
وظلت هذه الفتاه صامته ولم تنطق بكلمه واحده طوال مده اللقاء معي سوي الرد علي عبارات الترحيب بي عند وصولي وكان صوتها خافتا وبه تهدج شديد ينم عن توتر واعصاب مشدوده...
وبدا اللقاء بالترحيب بي والشكر انني لبيت دعوه المدعو علي وتجاذبنا اطراف الحديث في الامور العاديه الي ان فوجئت بالمدعو علي يستاذن للذهاب الي دوره المياه وشعرت انه يقصد تلك المغادره وتركني معهماوبدا الحوار التالي مع الفتاه الاولي نعمات.....
هي: انا عرفت من علي انك ضابط في الجيش وبتخدم في الجبهه ياريت تحكي لنا عن احوالكم هناك
انا: عايزه تعرفي ايه؟؟؟؟
هي: احوالكم ازاي بتاكلواوبتشربوا واجازتكوا مدتها اد ايه وبتنزلوها ازاي وبتاخدوا مرتبات اد ايه....
انا: كل الكلام ده عايزه تعرفيه...!!!!! وهايفيدك بايه
هي: عايزه اعرف علشان شبابنا اللي بيموت عندكم ذنبه ايه...وعلي فكره انا عندي ليك مفاجئه حلوه
انا: ياتري هي ايه..!!!!
هي: اقتربت بكرسيها مني ثم همست في اذني انا معايا شهاده معتمده من المعهد بان غشاءبكارتي اصيب اصابه بالغه في احد التمارين اللي بنعملها في المعهد ثم ضحكت ضحكه رقيعه قائله سكتك سالكه ياكابتن.....ولعبت بقدمها في قدمي تحت الترابيزه.
انا: ارتعشت بداخلي وصدمت من جراءتها وفحش قولها الامر الذي شعر به شيطاني الصغير( بندق) فقفز علي كتفي وهمس في اذني قائلا طلعلها اوديب
صمت لفتره لاستجمع حالي مره اخري ثم قلت لها انا هاجاوب علي كل اسئلتك بس لازم تعرفي عني حاجه مهمه...
هي: ايه هي
انا: انا عندي عقده اوديب
هي: يعني ايه
انا: تعرفي اوديب
هي: لا معرفوش ولا سمعت عنه
انا: هاشرحه ليكي....لاانتي ولا زميلتك من النوع المفضل ليا انا بحب العتاقي
هي: يعني ايه
انا: يعني ماتدخليش دماغي لانك لسه من الزغاليل وانا مابحبش كده انا زي ماقلت ليكي انا بحب العتاقي 55 سنه فما فوق...
هي: اشمعني....
انا: علشان السن ده بيدي بمزاج مش طياري زيك
اما بالنسبه لاسئلتك فاحنا علي الجبهه عال العال بناكل 7 ايام في الاسبوع لحمه او فراخ او سمك ده حتي في الصيف بيوزعوا علينا ايس كريم وفي الشتا بيعملوا لينا حلبسه بالشطه اما الاجازات فكل واحد فينا بينزل بمزاجه ولما يزهق من الاجازه بيرجع اما عن المرتبات فكل اول شهر واحد بيجي من الاداره الماليه ومعاه شوال فلوس وكل واحد منا بيغرف منه اللي هو عاوزه......... ثم ضحكت ضحكه.رقيعه انا ايضا......والتفت الي زميلتها فوجدتها ترتعش بشده فسالتها انتي بردانه ولا ايه فردت بصوت خافت لا مش بردانه
وفجاه هبت الاولي واقفه قائله لزميلتها المرتعشه يالا بينا ياماجده ده بني ادم مافيش منه فايده فلم اعترض سواءا علي كلامها او عندما غادروا الترابيزه متجهين نحو بوابه الكازينو وقبل وصولهما قابلا المدعو علي فوقفا معه برهه ثم غادروا كلهم الكازينو...................انتظروني ببهجه وسرور
ممنوع الضحك علي هذا البوست....
المجد لجيش مصر....وتحيا مصر الوطن..
2
-2
