بعد صدور قرار وقف اطلاق النار وفتح الاجازات لنا علي الجبهه ..كنت ذاهبا الي قياده كتيبتي سائرا علي الاقدام وعند دخولي حدود موقع قياده الكتيبه شاهدت الرقيب متطوع محمد معتصم يقوم بملئ شيكاره رمل من رمال الموقع ودارت المحادثه التاليه بيننا....

انا: بتعمل ايه يامعتصم....!!!!!!

هو: بملي الشيكاره دي رمل يافندم..

انا: ليه يامعتصم...!!!!!!

هو: يافندم انا نازل اجازه بكره وهاخدها معايا علشان افرش بيها ارضيه قبري في البلد علشان لما اموت يدفنوني علي ارض طاهره......

انا:.......... خرست...

       شوفتم حلاوه اكتر من كده...!!!!!!!!!!!!

             تحيا مصر الوطن.....

ملحوظه:

هو الرقيب متطوع /محمد معتصم محمد المهدي الزهوي...من مدينه بلبيس /محافظه الشرقيه.....احد رجالي الاشداء البواسل المخلصين كان مسؤلا عن جماعه الاستطلاع خلال الحرب والتي تمدنا بالمعلومات عن تحركات العدو واوضاعه..وكانت هوايته الدائمه هي الالتصاق بالعدو ..واساشهد له امام الله بانه قام بمهامه بمنتهي الاحترافيه والشجاعه.....

 دمت لي اخا عزيزا وصديقا وفيا يامعتصم يابطل........