دخلت انا وهذا الصحفي الشارد الي غرفه الاجتماعات الرئيسيه وقبل دخولي أعطيت اشاره سريه بتشغيل الكاميرات وجلسنا وكان أمامه اطباق كثيره من السلطات كان عم مصطفى الكبابجي وضعها عمدا لينشغل بها واعتذرت انا عن تناول اي طعام لالتهاب في معدتي وتأخر طبق المشويات قليلا والذي به نصف الكميه التي اتفقت مع عم مصطفى عليها وانهال هذا الصحفي على الطعام وكأنه لم يأكل من قبل وعندما لاحظت ان الطبق على وشك الانتهاء أشرت لعم مصطفى بنزول الطبق الثاني والذي التهمه بكامله أيضا ولاحظت ان وجهه قد اصطبغ باللون الأحمر نتيجه الاكل دار هذا الحوار....
انا: انت عارف انك غلطت غلطه كبيره جدا في حق نفسك.... بس ملحوقه
هو: ازاي ياباشا
انا: انك كتبت الكلام اللي كتبته في الجريده قبل ماتيجي تقابلني وانا شخصيا كنت هاارحب بيك جدا لأن ماعنديش حاجه اخبيها على حد والنادي مفتوح للجميع. وعموما انا هاعملك كارنيه عضويه شرفيه مدى الحياه علشان تدخله في اي وقت مع أسرتك هو انت متزوج
هو: لا انا لم اتزوج لسه
انا : عموما انا هادي أوامر حالا بعمل الكارنيه
هو : الف شكر ياباشا والله انا ماكنتش اعرف انك شخصيه جميله ومحترمه جدا
انا: اشكرك ده فيه حاجه كمان
هو: خير يافندم
انا : انا كنت بدور على صحفي اعينه في النادي وده من حقي كوظيفه ان أعين من أراه يعمل ويصب في مصلحه النادي والحقيقه لما قابلتك قلت في نفسي انك تصلح لهذا التعين ايه رايك
هو: ده شرف ليا يافندم
انا: مرتب الوظيفه هاخليه ١٥٠٠ جنيه شهريا... (مبلغ كبير أيامها)
هو: من فضلك انت قلت المرتب كام
انا: ١٥٠٠ جنيه شهريا زائد الحوافز والمكافأت ونسبه الارباح السنويه والتي عدا الارباح تكون حوالي ٢٥٠٠ في الشهر اما بالنسبه للارباح فتحسب في نهايه السنه واوعدك انها هاتكون مبلغ محترم علاوه هااخصص ليك مكتب بكل محتوياته الكامله وظيفتك هاتكون مستشار مدير النادي للإعلام وعلى فكره النادي طول السنه مشغول بطولات افريقيه او عربيه او دوليه وفيه وفود كثيره جدا بتحضر عندنا وسيبك من شغل الجرائد الضعيفه دي
هو: موافق طبعا.
انا :طيب من فضلك اديني بطاقه الرقم القومي وكارنيه النقابه علشان اعمل العقد معاك دلوقتي والمره لو معاك صوره علشان الكارنيه الشرفي
هو: اخرج محفظته وسلمني بطاقه الرقم القومي وصوره له ثم قال الحقيقه انا ماعييش كارنيه النقابه لان لازم ادفع مبلغ كبير للاشتراك فيها
انا: كام المبلغ
هو حوالي ٦٠٠ جنيه
انا : بسيطه انا هاديلك المبلغ تدفعه وتطلع الكارنيه علشان ملف التعين في النادي يبقى كامل وقانوني
هو: الف شكر يافندم
انا: استدعيت كل من رئيس قسم متابعه الأعمال لمكتبي الملازم اول خيري وعندما حضر امرته بعمل عقد عمل لمده سنتان لهذا الصحفي بمرتب ١٥٠٠ جنيه شهريا عدا الحوافز والمكافأت واعطيته بطاقه الرقم القومي للصحفي لتصويرها وحفظها في ملفه الذي سنفتحه له ثم استدعيت الانسه داليا مسئوله بطاقات العضويه واعطيتها صوره الصحفي وامرتها بعمل كارنيه عضويه شرفيه مدى الحياه له وأن تأخذ صوره من بطاقه الرقم القومي له من الملازم اول خيري
كل هذه الإجراءات كنت أفعلها بمنتهى النعومه والهدوء لكي اسحبه لما اريد وكان هو مستمتع جدا بالحبل الذي الفه حول رقبته دون أن يدري... ثم انتقلنا الي مكتبي مره اخرى وامرت بعمل كوب من الشاي له لكي يهضم ماطفحه....
انتظروني للحسم الرهيب
المجد لجيش مصر.... وتحيا مصر الوطن...
2
-2
