السيدة المحترمة

محمد يتيم.. ابوه مات وهو عنده ست سنين ما لحقش يشوفه

محمد طيب وفي حاله ومتفوق في دراسته وبيطلع من الاوائل

ما كانش عنده صحاب ومنطوي ودائما في حاله

لما دخل الجامعه ارتبط بنيره وانا قلت له ينتبه لدراسته ويبعد عنها

سمع كلامي لكن رجع ثاني يكلمها

مشاكل كثير حصلت بسبب الموضوع ده وانا حاولت ابعده وقلت له الناس دول مش شبهنا قال لي انا بحبها

اتغير كثير وبقى شخص ثاني

الناس كلها زعلانه من محمد

انا ما اعرفش حاجه عن الخمسه مليون ولا المليون اللي بيتكلموا عنها احنا ما عندناش غير ستر ربنا

انا ما شفتوش من يوم الحادثه وما اعرفش عنه حاجه

انا مش عايزه اسيء لحد انا عندي بنات وانا راضيه بقضاء الله وقدره

........

هي دي الست المحترمه اللي بتكافح عشان تربي اولادها هي دي اللي انا متعاطف معها واغلب الناس متعطفين معها لكن محمد لا يستحق التعاطف ولا يستحق الدفاع من وجهه نظري محمد انسان ما عندوش كرامه ما عندوش دم وكان واجب عليه يبعد من زمان عن نيره لكن واضح انه انسان عبد لرغباته وشهواته او الاحتمال الثاني انه مريض نفسي

ربنا يصبرك ويقويكي يا ام محمد على الابتلاء ويعوضك خير في بناتك

وانا لله وانا اليه راجعون