اتعلمنا ف سورة النور 

إن الكلمة ليها معانيها

قبل ما أقولها أفكر فيها

واتعلمت إن أنا أستأذن

قبل ما ادخل باب مقفول

هيا آدابنا فيها النور

لو ما أذنش ألف وادوّر 

وشي وأمشي كده علطول

وإذا واحد قالي ما تدخلشي

أحسن ليا إن أنا أمشي

ربي عظيم بعملنا عليم

*****************

اتعلمت أغض الطرف

عن عورات الناس وأسير

حافظ نفسي صاين عيني

آية تلاتين من سورة النور

زينتي لزوجي أو لأبويا

أو لأبوه وابنه واخويا

او ابن اختي أوابن أخويا

أو صحباتي والأطفال

الله عليكي يا سورة النور

********************

وف حلقات العلم أواظب

عمري ما اسبها إلا بعذر

واما استأذن من أستاذي

 أعرف ..ممكن اشيل الذنب

لازم يبقى عذر حقيقي

او أستغفر من ده ذنب

طلب العلم فريضة وواجب

اوعى تسيبه من غير عذر

سورة النور بالخير مليانة

فيها الحكمة تنير الدرب

ياللي حافظها ربي يبارك

 يللا تعالوا بينا نشارك

 نحفظ نقرا نرقى ونعلا 

وبإسلامنا فيها نفاخر.

------

سعاد سيد????????