خلاص يا بطل
وقفت على بابه بكيت وعيطت وحكيت واشتكيت وصرخت وطلعت كل ال جواك وفوضت أمرهم بين يديه المبسوطتين
بس..... ارتااااح بقى....
خليك هناك عنده ،ناجي ربك بروحك وقلبك وصدقني وقتها بس هتلاقي السكينة والراحة نزلت ب قلبك
والعين هتغمض ،النوم الليلة دي هيكون مختلف
الصدر هيرتاح علشان عمل عملية إخلاء لسكان كانوا متعبين أوي ،متعبين على درجة اختلافهم وتنوعهم
بشر ولا احتياجات مش هتفرق ،المهم فوض أمرك لله
وحاول بقى من جديد ، أكيد أكيد ربنا مش سايبك ،هتلاقي نفسك تقدر تشْغل نفسك بشئ....شغل ،هواية،مذاكرة أو حتى مساعدة الناس
حاول واتغلب على عقلك الباطن وتفكيره المميت وكل لما شباك النوبات السلبية يفتح .....
اذكر ربك واستغفر وهلل وكبر
،صلي على حبيبك خير الخلق سيدنا محمد
أوعى تسيب نفسك للظلام وأجري على النور
ومع الوقت بتهون وبتعدي مش هكذب عليك واقولك هتنسى
لا... الوجع مش بيتنسى ... لكن الوعي بيكبر والإدراك بيوجه سلوكك وبتعرف تتعامل وتعمل حدود وتظبط احتياجاتك
وعلى القدر المناسب ليك هتعرف تتعامل وتعيش
بس اهم مرحلة هي ... الرضا....
ارض علشان يراضيك ومع الوقت هتقف على رجلك تاني
وهتكون إنسان أقوى ،انسان يقدر يتحكم في مشاعره ورغباته ،انسان بيدي كل واحد قدره بدون زيادة أو نقص
إنسان يقدر يتخلى عن الهوى
إنسان يؤمن ب
(وعسى أن تحبوا شيئا وهو كرها لكم وعسى أن تكرهوا شيئا ويجعل الله فيه خيرا كثيرا )
حاول تعيش إنسان وتتعامل مع أمثالك البشر
محدش معصوم ومحدش ملاك وبرضه محدش شيطان
كلنا فينا الخير والشر ... بس..
الطيبون للطيبات والخبيثون للخبيثات
يعني أتعامل مع ال شبهك ،مع امكانياتك وظروفك
ومتحملش نفسك فوق طاقتها وسيبها علي الله
واطمن......
إنت ليك رب اطمن 
2
-2
