كل واحد فينا بتعدي عليه أوقات بيكون فيها لوحده ،
لوحده تماماً ،ملهوش حد
أو بالمعني الأصح مش فاهمه حد أو حتى حاسس بيه
بيكون عنده كلام كتيييير ومشقات كتير وكبد فوق احتماله
بيلف ويلف ويلف حولين نفسه ،مصدوم في الكل
تعبان ،كل الأبواب مقفولة وحتى لو مفتوحة محدش آمين وصادق أو حتى مهتم أو يقدَّر وضعه وظروفه
و يفضل يدوَّر في قائمة الأهل والأصدقاء والصحاب والمعارف و ..ال .... وال.........
الطووووويلة ولكن مش عارف يكلم مين ويستنجد ب مين
عاوز يحكي ويصرخ ،عاوز يبكي ويعاتب
عاوز حتى يتعاتب ،عاوز يسأل ليه حصل فيا كدا
ليه وليه وليه وهلم جرا من أسئلة مكبوتة ومكتومة في الصدر ،مسجونة بين قضبانه ومخنوقة لحد ما يوصل هو لمرحلة ؛
..... بلغت الروح الحلقوم ....
عارف كدا.... وكأنما يصَّعد للسماء ... يعني حتى النفس مش قادر تطلعه ،حاسس إنك خلاص بتموت لحد
ما تصرخ مش لاقي حد ..... مش لاقي حد ...
.... أنا مش لاقي حد ... 
هنا بقى يا بطل إنت خلاص وصلت وعلى باب الفرج
واقف .... بس بُص لفوق متبصش ل تحت
سيبك من الناس والمعلشي وقووووول يااااااااااااارب
أحكي واشكي وعيط وابكي واسجد وادعي وعاتب وفضفض ، طلع كل ال جواك لحد ما تحس إن الكلام خلص
ومش قادر ،وخلاص تعبت ، وقتها هتلاقي قلبك وروحك ال بتدعي ل ربنا وبتفوض أمرها ..
دبرني يا رب.. دبرني يارب .... دبرني يا رب
ونام وارتاح.... واطمن إنت معاك رب 
وللحديث بقية ..... يُتبع ....
2
-2
