الروح بتحس      

وكأنها جنود حوامه على القلب ، عارفه مين بيحب ومين بيكره ، عارفه طبع الغيرة لما يملى قلوب حبابيك وفجأة غل بين عيونهم يبان ويظهر ....

فاكر مرات الهزيمة والدواير كانت نازلة عليك تدور .... والمشاهد فيها وحدك والجحور مليانه بيهم والترند يزيد مشاهدة والقلوب شايلة وجحدة .. 

طب والحبايب راحوا فين .. راحوا في المعلشي يجروا 

 و مكنتش أعرف حل ترييح الضمير ، وال بعده كلمة مشهورة في قاموسهم ،وأوعى تتكلم ف شوك نَبْت إيدهم 

عملوا إيه... 

  حفلة جامدة أكلوا فيها كل لحمك

فيها إيه لما يرموا ال فيهم ... فيك لوحدك

 مش قالولك موت شوية ...؟

طب ممكن اسألكم سؤال ....هو القتيل كان قريبكم .؟

ولا الجنازة خارجه من بيت جنب بيتكم ..!!!

 طب وتشغيل الدماغ خاص جداً ولا عام !!!

 يا حبايب ... يا عوام

 اشتريتوا ولا بعتوا 

 الروح مش ليكم ..... للرحمن.