ياكيلو طماطم ياحمرة يامدورة

مالك بس ياستي ليه علينا متشطرة

النهاردة بقيتِ ب15 وبكرة بكام ياترى

هى نقصاكِ دي الميزانية أصلا متشحورة

دي الميزانية يدوب متقاسة بالمسطرة

دي الحياة بقت خربانة,العيشة بقت متدهورة

ياكيلو طماطم

**********

مالك بس ياست هانم ياأوطة

بقيتِ من أصحاب المقام الرفيع محطوطة

يعني أنتِ كده فرحانة,أنتِ كده مبسوطة

الله يرحم لما كنتِ في الأسواق مرصوصة

جات عليكِ يعني يامفعوصة

ياكيلو طماطم

************

يعني خلاص راح زمن الكوسة

ومن هنا ورايح هنقضيها بسبوسة

يادي الخيبة,يادي الحوسة

يعني ياطماطم ملكيش رابط

ولا بقى يهمك مخبر ولا ظابط

شكلها كده فعلا خابت

ومفيش قدمنا غير النابت

ياكيلو طماطم