خدلك اسبرين
لو مش عارف تنام
خدلك اسبرين
لو مش لاقي اي اهتمام
خدلك اسبرين
لو متخانق مع المدام
خدلك اسبرين
لو الميه قاطعة ومش عارف تدخل الحمام
خدلك اسبرين
لو نفسك في رحلة استجمام
خدلك اسبرين
لو حاسس انك تعبان
خدلك اسبرين
لو قربت يجيلك جنان
خدلك اسبرين
لو مفتقد اي انسان
خدلك اسبرين
لو اتغلبت عليك الاحزان
خدلك اسبرين
لو حاسس انك وحيد
خدلك اسبرين
لو حاسس بالبرد الشديد
خدلك اسبرين
لو فكرك كان شريد
خدلك اسبرين
لو اكتشفت في يوم انك عبيط
خدلك اسبرين
لو لمحت اليأس جاي من بعيد
خدلك اسبرين
لو حسيت انك مفلس
خدلك اسبرين
لو نفسك تاكل ملبس
خدلك اسبرين
لو عقلك كان متربس
خدلك اسبرين
لو نفسك تبقى مهندس
خدلك اسبرين
لو حسيت انك مهيس
خدلك اسبرين
لو رحت في يوم فطيس
خدلك اسبرين
لو حياتك شبه الكراريس
خدلك اسبرين
لو بتشتكي من الصداع
خدلك اسبرين
لو اللي اشتريته انباع
خدلك اسبرين
لو شئ منك ضاع
خدلك اسبرين
لو حاسس بأوجاع
خدلك اسبرين
لو مش لاقي نقطة رجوع
خدلك اسبرين
لو انطفت كل الشموع
خدلك اسبرين
لو عيونك اتملت بالدموع
خدلك اسبرين

لو نسيت انت مين
خدلك اسبرين
لو حواليك وحلة وطين
خدلك اسبرين
لو تاهت منك السنين
خدلك اسبرين
لو عرفت راحة البال راحت فين
خدلك اسبرين
لو متغرب وقلبك مليان حنين
خدلك اسبرين
لو الاه مالية حياتك والانين
خدلك اسبرين
لو ......
ما هو كله مسطر على الجبين
وخدلك اسبرين
************

ده كله بسبب نزلات البرد المزمنة الحادة الفاذة المريبة الشنيعة الفظيعة اللي بشتكي منها
مفيش حد عنده وصفة بلدي غير الينسون والمشروبات السخنة
وبلاااااش حد يقولي خدي اسبرين