(هو العيد جه ولا مجاش)

هو العيد جه عندكوا ولا مجاش
اصله بصراحة عندنا معداش
طب فين الفرحة في عيون الناس
فين اللمة والصحبة والاحساس
فين لمتنا ليلة العيد
فين فرحتنا باللبس الجديد
ياناس قولوا هو العيد جه ولا مجاش
اصله بصراحة عندنا معداش
طيب فين لعب العيال بالبلالين
فين صلة الرحم فين الناس الطيبين
فين ضحك زمان ليه مضحكنهوش
فين الابتسامة جوه الوشوش
طب فين البومب والصواريخ
فين صلاة العيد ويا التسابيح
فين الفسح فين المراجيح
يعنى العيد جه ولا مجاش
اصله بصراحة عندنا معداش
يمكن جه واحنا بيه محسناش ؟؟؟