غزل من نوع خاص (الجزء الثانى)

بما أن الجزء الأول أعجب به الكثير
وافتكروا أنتوا اللى طلبتوا منى أكتب
تانى وأنتوا اللى هتحكموا ربنا يستر
ولأنى بحب أعدل فلازم يأتى دور المرأة
فكرت لو المرأة هى الى هتتغزل فكيف
سيكون الحال وأليكم ما توصلت اليه
حبيبى قوتك تشبه قوة الجبال
وياريت تقوم تغير للعيال
حبيبى أنت فعلا فتى أحلامى
واياك فى يوم متسمعش كلامى
حبيبى أنت سندى لاخر الدهر
وعلى فكرة أنا صرفت كل مرتب الشهر
حبيبى قبلك كانت حياتى حزينة
وياريت تشتريلى الفستان اللى فى الفترينا
حبيبى معك بنسى كل همومى
ولو مجبتش ليا موبايل هسيب البيت وألم هدومى
حبيبى أنت فى نظرى أحلى من توم كروز
وفين يافندم فلوس الدروس
حبيبى أنت أعلم بأنى لم أجد مثلك فى كل قارة
وياريت تعزمنى على العشا النهاردة بره
حبيبى أنت رمز الرجولة والشهامة
وأنا بكوى غصب عنى حرقت البيجامة
حبيبى أنت فعلا حققت لى كل ما فى نفسى
وياريت تطلب لنا دليفرى وكانز بيبسى
حبيبى ما أجمل ما تتمتع به من رمش وكاحل
وامتى بقى هناخد شاليه فى الساحل
حبيبى أنت عونى فى زمن الغش
وكفاية أكل بقى بقيت بكرش
حبيبى معك عشت حياة هنية
هات الريموت عايزة اتفرج على التمثيلية
حبيبى حبيبى حبيبى