فاكرة ياسارة(قصيدة شعر)
عارفة ياسارة نفسي أرجع طفلة صغيرة

زي زمان عمري ما كنت متحيرة

فاكرة ياسارة فساتيني القصيرة

فاكرة ياسارة ملامحي قبل ما تتغير

فاكرة ياسارة الهوا اللي كان لضفايرك بيطير

تطير مع طيارة ورق فوق وفوق السحاب

فاكرة ياسارة اللعب مع أعز الصحاب

فاكرة ياسارة لعبة أولى والكورة الشراب

فاكرة ياسارة الكراسة والأستيكة والكتاب

فاكرة ياسارة اللمة فوق السطوح ويا الجيران

ساعة العصاري والنسايم هالة علينا وريحة الريحان

وصوت الضحك طالع من قلب مليان حنان

فاكرة ياسارة أغنية أنا عندي بغبغان

فاكرة ياسارة ياولاد ياولاد وأبلة فضيلة

فاكرة ياسارة أيام كانت جميلة

فاكرة ياسارة أيام زمان

ولاخلاص انتهت وكان ياما كان