فى يوم لم أتذكر تاريخه بالظبط فتحت المنتدى ووجدت اعلان كبير باللون الأزرق
مكتوب عليه رشح نفسك دخلت عليه ووجدت أسماء كثيرة لاعضاء كبيرة عقلا
مرشحة نفسها ومنهم الأخ الفاضل ذو الأسلوب المتميز الظاهر بيبرس مرشح نفسه
فى مدينة النثر والخواطر والقصة فقلت لنفسى(كده خلص زمن الكتابة بالعامية وعمرك
ياصدفة ما هتعرفى تكتبى حتى ولو باللغة العربية الفصحى لأن الاخ الظاهر بيبرس
سيطلع ليكى أكثر من 20 الف ومليون غلطة وقلت اخدها من قصيرها وأغير أسمى
من صدفة سعيدة لصدفة حزينة تمهيدا لما سيحصل لى):)
ووجدت الاخ ممنوع من الصرف هو الاخر مرشح نفسه لنفس القسم انا عن نفسى
أسميه سفير النوايا الحسنة(دى رشوة بما أنه فاز علشان يتركنى أكتب براحتى),:)
ووجدت العضوة المتميزة فكرة مرشحة نفسها فى مدينة الحديث الجاد وتخيلت طنط
فكرة وهى لابسة نضارة قعر كوباية وماسكة فى أيديها عصاية كبيرة مثل ناظرة مدرسة
الابتدائية وتقول(مفيش هزار هنا دى مدينة جاد فى جاد ياربى حتى ياصدفة المدينة
دى مش هتعرفى تكتبى فيها عوضى عليك يارب):D
ووجدت عضوة أخرى متميزة بل وقريبة من قلبى وهى طنط جيهان مرشحة نفسها
فى قسم المرأة العام وتخيلت طنط جيهان واقفة فى كافية السيدات وجمع جميع العضوات
حواليها وتعطينا دروس فى معاملة الزوج (بصى يابنتى انتى وهى لو جوزك قالك ايه
لازم تعاميله بالحسنى.لو جوزك ابتسم لمين لازم تعاميله بالحسنى.لو جوزك أتأكتدى
أنه متجوز عليكى ولو يابنتى لازم تعاميله بالحسنى،نفسى اعرف مين حسنى دى؟
ووجدت عضوة أخرى للأسف لم ألتق بها ولا مرة لأنها تزوجت عندما سجلت فى المنتدى مرشحة من قبل الادارة فى المطبخ وتخيلتها وهى واقفة نفس وقفة طنط جيهان وجمع جميع العضوات البنوتات حولهاوتقول(بصى ياحبيتى انتى وهى لازم تقشروا البصل
قشرة قشرة وتغسلى أيديكى الأول بالماء والصابون 70 مرة وتسلقى الرز كده يابنتى كده مش كده) 
ولم اتخيل حالى أبدا بأن أرشح نفسى أبدا ولم اتخيل نفسى فى اجتماع الوزراء.ياربى
معقولة ممكن ياتى اليوم واكون فيه وزيرة ألبس بدلة كلاسيك ونظارة وأشرب نسكافية
واحمل شنطة سامسونيت ولو أحد رأنى هكذا وسألنى(رايحة فين ياصدفة أقول رايحة
اجتماع الوزرا وتطلع عليا الأغنية دى):p
لاوألف لاااااااا أستحالة أرشح نفسى
وفى يوم 30/3/2010قبل غلق باب الترشيح للانتخابات بنصف ساعة قررت فاجأة
ترشيح نفسى فى مدينة الابتسامات والمواضيع الخفيفة ولا أعلم لماذا اخترت هذه
المدينة؟!!1 لأننى وثقت فى نفسى بل وتيقنت بأننى دمى خفيف وكان هذا واضح
من كلام بعض الأعضاء بأننى اتمتع بخفة ظل وكنت انظر فى المرآة وأقول معقول
انا دمى خفيف وأستعجب ولكن أرجع مرة ثانية وأقرأ كلام الأعضاء اه فعلا ما قراته
حقيقى وليس خيال .ما علينا قررت بان أرشح نفسى وياريتنى ما قررت لاننى وجدت
الأخت مريوم أحمد مرشحة نفسها وستكون هى منافسة لى على هذا المقعد ودار بينى
وبين نفسى حوار(أكيد هى اللى هتفوز الناس هنا بتحبها وأرجع واقول لا انا اللى
هفوز ده انا ليا أصحاب هنا كتير )وتخيلت نفسى انا ومريوم احمد زى ما تخيلت
باقى الأعضاء المبجلين على مقاعدهم تخيلت الزى الرسمى بتاعنا هيكون أكيد
بلياتشو ونعمل فقرات فى السيرك ونوزع تى شيرتات مرسومة عليها ساعة لقلبك
ما علينا لم انتظر كثير لأننى رشحت نفسى فى الاخر فطبيعى باننى لا انتظر كثير
والحمد لله ارتاح بالى وظهرت النتيجة بسرعة فائقة ايه السرعة دى كلها يانهلة
استنى شوية لما افرح بترشيحىالمهم فتحت صفحة نتيجة الانتخابات ووجدت شئ
لا يسدقه عقل على راى شويكار خير اللهم اجعله خير انى أنا والأخت مريوم خسرنا وياريت بسبب عدم التصويت لنا ولكن بسبب عدم التوافر الشروط فينا فكيف فعلا نرشح انفسنا فى
مدينة لم نشارك فيها سوى موضوع واحد (ليه ياسيادة الرئيس نقلت موضوع
غزل من نوع خاص لمدينة النثر والقصة انا كنت شايفاه مناسب لمدينة الابتسامات كنت زمانى فوزت دلوقتى):D
وأحب أقول للاعضاء الذين أعطونى ثقة فى نفسى بأن دمى خفيف(من النهاردة
مفيش دم خفيف انا دمى تقيل
واعتبر خسرتى هذه فى الانتخابات هدية عيد ميلادى (لان عيد ميلادى يوم الجمعة )من هذا المنتدى المحترم الذى أصبح قريب جدا لقلبى وفعلا أجمل واعز هدية حصلت عليها فى حياتى ووعد منى سوف أجعل مدينة الابتسامات أحسن مدينة متضحكوش هتشوفوا:p
ان شاء الله

----------------------
ملحوظة أرجو من جميع الأعضاء المبجلين الذين ذكرت أسمائهم فى موضوعى هذا والذين أصبحوا وزراء بان لا يغضبوا منى فأننى أقصد من كتابة الموضوع المزاح
فقط ليس إلا وحبيت بأن أوصف حالتى عندما تلقيت خبر عدم قبولى فى الانتخابات
فأصابنتى حالة هستيريا من الضحك لم تحدث لى من قبل وعرفت معنى الفشل الذى
كان يحكى عنه الأخ ممنوع من الصرف فى موضوعه الرائع قصاصات مبعثرة
فما أجمل طعم الفشل!!!!