اكيد الكل النهاردة بيوضب ويكنس ويمسح
ده غير هده الحيل في غسيل السجاد
أكيد كلنا طلع عينينا النهاردة وبكره كمان
طب نعمل ايه انا ايديا حاسه انها دابت
ورجليا محتاجه 350 قطعة غيار :))))
مفيش قدامنا غير رزقه.. رزقه دى الشغالة
اللي الناس بتجيبها في شارعنا عشان تساعدهم
اقصد عشان تتنك عليهم .. وترسم الدور
رزقه كلنا اكيد عارفينها ..الست الهانم اللي بتاخد .. تاخد ايه
اسمها بتلهف 50 جنيه عشان تغسل سجادة واحدة
كل حاجة وليها حساب يعنى لو ناوية تغسلي حيطان الشقة
وتمسحى وتغسلى الستاير يبقى عليه العوض ومنه العو ض
الست هانم هتلف منك مش اقل من 300 جنيه
ده غير غدا محترم وجلابيه او بلوزة من عندك وميمنعش بيجامة جوزك
تاخدها لابنها مرعى .. وهلما جره
غير استراحه العمل .. طبعا لازم تستوريح ايه مفيش في قلوبكوا رحمة
ده ممكن تبلغ عنك بتوع حقوق الانسان !!!!
مش مهم ده كله .. عادي ده رزقها والارزاق على الله
هنبص للست الغلبانة المنكسرة دي في لقمة عيشها
ده كله يهون الي قهرني بجد الموبايل اللي شايلاه
.. موبايل بكاميرتين وبتدخل على النت ببلاش
نعم !!!
ايوون والله وكمان من مغامراتها لاقت نفسها
جسمها زاد شويه راحت لدكتور تخسيس عشان تضبط جسمها وتخس
عشان تقدر تمارس مهام العمل .. بنفس الحرف قالت كده
(يعني معاها موبايل والناس بتحجز معاها من شهر فات ولا دكتور جراح عالمي وكمان مثقفة ).. ^_^
مش مهم ده كله .. عادي ولا هعصب نفسي بس سألت نفسي سؤال بسيط
هي امهاتنا زمان كانوا ازاي بيعملوا ده كله لوحدهم
ده كل حاجة في حياتنا بقت تيك اواي حتى الشـــــــغالة
ولا بقينا نمشي بمبدأ هين قرشك ولا تهين نفسك
بس مع رزقه تهين الاتنين ((

الامضاء: سارة سعيد المقهورة اللي ناوية تقدم طلب عشان تشتغل شغالة
وياريت رئيس نقابة الشغالين يقبلني يــارب ^_^