- صباح الخير ياعماد ياحبيبي إيدك على٣٠٠٠ جنية

- إيه..ليه إن شاء الله؟

- هعمل بيهم مشروع مكسبه٩٠٪ هنعدى ياعماد

- ودا مشروع إيه؟

- هنربي كتاكيت ولماتكبر نبيعها أو نخليها تبيض ونبيع البيض يعنى فى الحالتين كسبان

- طاب سيبينى أفكر

- لأ مفيش وقت انا وهويدا صاحبتى مأجرين المكان .أنا عارفه انك شايل ٥٠٠٠ جنية فى الدولاب هاتهم

- انتى مش كنتى عاوزة تلاته خلتيهم خمسة ليه،وبعدين دول قسط بنك وانتى عارفه

- البحر يحب الزيادةوبعدين دا انت هتشبع فراخ وتكسب فلوس بالهبل هتسدد كل الاقساط اللى عليك 

- ياسلام بالهبل! بصى خدى تلاته بس وعوضي على الله فيهم

- ماتجيب الباقى 

- لأ كفاية كده..لما اكسب بالهبل اديكى الباقى ..ربى إنى لا أسألك رد القضاء ..انا رايح شغلى بس ياريت تبقي تخلى بالك من الكتكوت اللى معانا

وبعد يومين

- إيه يامهاياحبيبتى مالك بتعيطى ليه؟

- أصل الكتاكيت عندها اسهال والعلاج مش جايب نتيجة

- يمكن أكلوا حاجة من برة هى اللى وجعت بطنهم؟

- انت بتهرج! انا فى ورطه لازم ألاقيلهم حل..ممكن يكونوا اتعرضوا للهوا وخدوا برد

- جايز

- طاب اجيبلهم دفايات ولا أزود الإضاءة

- إضاءة! وانتى وصلتى الإضاءة دى منين إن شاء الله

- ايه خدت وصلت من العداد بتاعنا

- نعم ..انتى عارفه فاتورة الكهربا بتجيلى بكام فى الشهر ياهانم

- يوووة...انا فى إيه ولا إيه بقولك عندهم اسهال تقولى كهربا..مشروعى مستقبلى..إنت مش حاسس بيا خالص

وبعد اسبوع

****يتبع**