يوميات دنيا و رمضان الحلقة الثانية

دنيا :آااااه...يا ميله بختك يا دنيا ياحظك الوحش يا دنيا..إلحقينى يا ماما

رجاء(مامت دنيا): يابت مالك بس؟..بعتيلى وجيت على ملﻻ وشي وبقالك ساعتين بتعيطى ومش فاهمه منك حاجة..إتخانقتى مع رمضان؟؟

-ياريت

-شتمك..ضربك؟؟

-ياريت

-إتجوز عليكى؟؟

-هيتجوز يا ماما

-يانهار أبوة إسود..يتجوز إزاى؟

-ياما قلتلك أنظم وكفايه عيال..قلتيلى مايربطش الراجل غير العيال..آديه فك ياختى

-طاب إهدى واحكيلى اللى حصل

-إكتشفت إنه بيكلم واحدة ست أرمله ومفهمها إنه مطلق ووﻻده عند أمه وعايش فى فراغ وحزن ياعين أمه

-وعرفتى منين دا كله؟

-سمعته بالصدفه..دا بيكلمها فى انصاص الليالي ياماما وأنا فى غيبوبه مش حاسه بحاجه ماهو العيال هادين حيلى طول النهار

-وسمعتى إيه كمان؟

-بيقولها أنا معنديش ﻻفيس وﻻ واتس وﻻ ليا فى النت خالص..إظاهر عاوزة تبعتله صور..أعمل إيه ياماما أعاااا

-بس بس ياحيله أمك ماتعيطيش يابت قومى إغسلي وشك وتعاليلى وانا هقولك تعملى إيه..قال يحب قال..يحب إيه اللي داخل ع الخمسين سنه ده! والله ﻷفرجه ابن عنايات

وبعد اسبوع

رجاء: هاه..إيه اﻷخبار يابت طمنينى؟

دنيا: كله تمام والخطه ماشيه زى الفل ..خدت تليفونه وهو مخمود وخدت رقم المحروسة العرة الزباله بتاعته ،وعرفت مواعيد إتصاﻻتهم ودخلت واتس من على تليفونى برقمه ،وخدت الرمز من تليفونه وحطيت صورته هو والعيال ،وفتحت ولقيت الهانم بعتاله رسالة وبتقوله إنت عندك واتس وتقولى معرفش حاجه ع النت ومين دول ..وﻻدك ياخاين ياغشاش ياكداب

-وبعدين؟؟

-وبعدين كل يوم أحط حاله إنه سعيد ومبسوط مع مراته حبيبته ووﻻده ،ونزلت صور لينا فى المﻻهى والمطاعم والكافيهات..خليتهاتولع..تشطشط كده،وكل يوم تشتمه وتسمعه من المنقى ياخيار..وأنا وﻻ برد عليها..سايباها تهاتى زى الكلب ..كانت بتغلى كده من جواها..وفتحت صفحه بإسمه ع الفيس لقيتها باعتاله طلب صداقه..ماالهانم صفحتها بإسمها هى دى بتتكسف وﻻ عندها دم،وبقيت أنزل بوستات حب وعشق فى مراته ووﻻده وهى تبعتلى ع الخاص شتيمه وتهزيئ

-وهو عمل إيه؟

-كل يوم يرجع شايط ومخنوق ومش طايق نفسه وأنا عامله فيها بريئه وﻻ كأنى عملت حاجة 

-برافو عليكى ..إستلميه بقي دلع وحنية لحد ماينسي إسمها..مش هوصيكى

-ولو إنى بتحرق من جوايا..بس هحاول

-ياعبيطة.. إجمدى شوية ولﻻ عاوزة جوزك يضيع منك

-يضيع! ﻷ يضيع دا إيه؟ متخافيش على بنتك ..دا انا تربيتك ...بس بس لحسن رمضان رجع من الشغل

رجاء: هههه..حمد الله ع السﻻمة ياجوز بنتى 

رمضان: الله يسلمك ياطنط

دنيا: أجهزلك الغدا يا حبيبي

رمضان: ﻻ ماليش نفس ..أنا هدخل أتخمد ومش عاوز حد يصحينى

دنيا تهمس: شوفتى

وبعد أيام

رمضان: دنيا ..دنيا..هاتى تليفونك

دنيا: ليه خير؟

-هاتى بس..أصل فيه واحد صاحبى قالى إنه شاف صفحة بإسمى وعليها صورتى أنا والعيال 

-ممممم..معرفش التليفون راح فين؟ مش لقياه

-مش لقياه إزاى! ماهو قدامك أهه يا ولية فى الشاحن هاتيه بقي..مالك بتترعشي كده ليه؟ورينى كده..يانهارك إسود..إيه ده؟الصفحة دى جت عنك ازاى و منين ؟ والواتس دا عملتيه إمتى؟ إنطقى يا وليه لحسن أشرب من دمك

-إيه مالك بتزعق كده ليه؟ هو خدوهم بالصوت ..هات تليفونى كده..إنت تعرف سلوى دى منين؟ وآدى صورتها..بص فيها كويس

-سسسلوى مين؟..والله ما اعرفها

-وﻻ أنا كمان معرفش مين من العيال لعب في تليفونى وعمل الحاجات دى

-هههههه..شوف العيال وﻻد الكلب..وﻻ يهمك يا حبيبتى ..حصل خير

***تمت***