الموت محاوطني ومش فارق
ولا فارق بكرة من امبارح
م انا مت سنين من دون أكفان
أنا ماتت روحي ولها أسباب
يوم م ابويا ساب مكانه
لما غسلته بدموعي
لما سبته ف تربة وحده
وأما قلبي ساب ضلوعي
وراح مع أمي حضن كفنها
أنا مت كتيييير مش هستغرب
ولا هتهرب لما يجيني
أنا أصلاً دابت فساتيني
وضفيرتي ابيضت من بدري
أنا ليلي بيطلع مع فجري
أنا قبري رفيقي ومتصالحين
ولكني بموت
ولكني بموت مليون مرة
لو شوكة تمس محبيني
لو آهه اتكتبت على أختي
لو أخويا يغيب يوم عن عيني
ولو ابني يقول أنا مش مرتاح
أيوة صحيح
أنا كلي جراح
وب انز دموع
ولكني بموت
لو دمعة تسيل على خد قريب
أنا أمري عجيب
مخلوقة بروح
وسنين سَكرات
من طولها البرد بيكويني
تلك السَكرات
قدري ونصيب
وأنا راضية يا رب ب تَكويني
حمداك شكراك
ورضايا دا فرض أصول ديني
سلمت الأمر
لو قبل وبعد
ولكني طمعت
وإنت المنان
تحميهم وتفرح عيني
💔💔💔
2
-2
