شريطة وردي

لما كان الكف نونو 

ضحكته بتملا العيون

كل يوم يلبسله فرحة 

تبقى أحلى م اللي قبله

افكار بريئة ومضحكة 

حتى شكله في البكا 

يجبرك إنك تضمه 

يوم ويوم عدوا أوام 

كان جرئ وكان همام 

قابل الدنيا بشقاوته 

مرها دوب حلاوته 

جت عليه ياما وعدا 

يبتسم ويقول هتهدا 

تدريجي حس بالانهزام 

مرة يمسح دمعته 

وكتير يداري ف شمعته

ملامحه جد اتكشكشت 

والدنيا فرحت وانتشت 

لما عرفت إن حلمه 

شريطة وردي يضمها 

كات زمان تلعب معاه 

ضحكهم كان زي عشق

يضوي جوة الضلمة نور 

الهوا طيّر شريطته 

بعدها تاه جوا نفسه 

آه لو يعود الكف نونو 

وشريطة وردي تزينه 

#سومية_نبيل