يا رحلة عمري وسنيني

يا كلمة حب تكفيني

يكفيني اكون جنبك

ويكفي قلبي م الوجود ودك

يا اول حب حبيته

وحرف حرف اتهجيته

يا وطني وكل سكانه

يا بيتي بكل جدرانه

يابويا واخويا والخلان

معاك بس بكون في أمان

لا بخاف من غدر ولا خذلان

حبك كان وعد ليا ولبيته

وعهد لقلبي وفيته

لو املك أمري يا عمري

اعيش العمر كله معاك 

وهو العمر إيه يسوى

يا عمري لو مكنش معاك

يهون العمر كله فداك

ولا اشوف لحظة يا عمري بلاك