نفسي

نفسي اعلم قلبي

يبطل طيبة

واعلمه كمان إن

الثقة في الخلق خيبة

نفسي اسأله

ليه ما بيحرمش

ومن تجاربه 

ليه مبيتعلمش

رغم إنه منهم

اتألم كتير

واذاهم فيه معلّم

طب ليه بعد كل ده

لساه ما اتعلم

لساه بيعامل كل

الناس نفس المعاملة

رغم إنه كل مرة 

كان يخرج بصدمة

ازاي اقولّه إن كل الناس

مش شبهك يا قلبي

وإن ياما في وشوش خداعة

من جوة سودة ومن برة

رمز الوداعة

وإن مش كل كلمة حلوة

وراها طيبة

يا قلبي اتعلم بقى

والله عيبة.