تصريح دفن وعزا وصوان

وفجأة اتحب من كل الأهل والخلان

بعد اما كان في وسطهم وحيد

اتجمعوا في عزاه

يا عيني يا ولداه

عاش عمره يشحت ودهم

وبعد موته جايين 

فوق قبره وبيفرشوا وردهم

يمكن لو مرة واحدة حس بحبهم

مكنش مات 

يمكن لو كان له مكان بينهم

مكنش قضى حياته سكات

جايين دلوقتي يقولوا 

ده كان وكان

كان قلبه طيب وكان حنين

بعد اما خلاص مبقاش هنا

بيقولوا كان من لحمنا ومن دمنا

اكمنه سايب في البنوك فلوس كتير

وحبة اراضي وكام عمارة

اتجمعوا وبيعصروا في

عنيهم لجل يدمعوا