البحر ياما شايل أسرار

وموجه ياما هدم أسوار

البحر ده ليل مستني نهار

البحر ده قصة وحدوتة

يفهمها بس اللي يدوب فيه

عمال بيشيل أسرار الخلق

ومين في الخلق عالم بيه

البحر حزين

حزين على حزن البني آدمين

ثورة أمواجه في يناير

بتنادي كل تايه حيران

وتطمن دايما في القلقان

البحر جميل وقت الروقان

وجماله يزيد 

في قعدة جميلة ومسكة ايد

البحر ده شط ملوش آخر

وآخره ده شط في حتة بعيد

هناك واقف مستني حبيب

يجيله حبيبه بفجر العيد

البحر ده سر، وسره غويط