واحد حب واحدة

مرة واحد حب واحدة 

قالها عارفة الحب ؟!

سيبك م الكلام ده 

عارفة الشوق ؟!

تعب قلب ومناهدة 

عارفة الحنين ؟!

منعوه من انهاردة 

عارفة الجواز ؟!

جون بس فى العارضة 

وأحسن حل لينا 

إنتى من السكة دى 

وانا من الطريق ده 

ضحكت م المفاجأة 

ومشيت من غير معارضة 

وكل ماتفتكره تضحك 

وكانت ع الحزن واخدة 

حتى فى بعده عنها 

كان شمعة فى القلب قايدة 

وحياتها من يوميها 

ضحك ودموع وفوضى 

وحلفت ماتحب حد 

ولا تاخد منه وردة