طفلة 

جوايا طفلة ف سنة أولى 

بتغنى وبتلعب أولى 

بتحب الضحك وأفراحه 

وبتعشق طعم الجيلى كولا 

بتحب الناس زى عينيها 

وتخاف ع الكل دولا ودولا 

شايفة الدنيا فرحة ودار 

زاهية و جميلة وعسولة 

خايفة من الليل والنار 

وظلم ضماير مقتولة 

خايفة تتوه مع اللى احتار 

وترجع وحيدة و مخذولة 

بتحلم ببكرة وشمس نهار 

وجزيرة بعيدة ومعزولة 

كلها طيبة وحب وخير 

وطاردة نفوس مغلولة 

فيها الناس بتعيش بضمير 

هادية وراضية ومسؤولة 

هو الحلم علينا كبير 

ولا نفوسنا بقت مشلولة