الدنيا حلوة 

بما إن انهاردة انا فرحانة 

وحزنى راح فى خبر كان 

وقلبى م الفرحة بيرقص 

كأن جواه مية حانة 

فهصبح على عيونكوا

واقولكوا بكل أمانة 

الدنيا حلوة وحبّانا 

لا ناقصة هم ولا خيانة 

نجاريها تضحك ويانا 

نعاديها ندلة وجبانة 

ومهما الحزن شقانا

ومهما جابنا وودانا 

مسيره يوم هيسعدنا 

وهييجى يوم يترجانا 

خلوا الرضا أهم خانة 

وعلوا صوته ولا دانا 

وواسوا دايماً ف جراحكوا 

ماهو اللى خد ياما ادانا