و تيجي الطوبة ف المعطوبة

عشان الجرح يبقى اتنين

هنعمل ايه 

حظوظ مكتوبة

نسلم بيها نعيش راضيين

و تيجي رصاصة جوة القلب

و يفتح الغبي الشباك

فاكرها فرحة فاكرها حب

و هي لمصرعك جاياك

بلاش تعيش العمر غشيم

و فتح عين و غمض عين

ركز و صحصح

خليك فهيم

و اوعاك تصدق الكادبين

الكدب عندهم صنعة 

واخدينه حرفة و هواية

غلبوا بينوكيو و ابو لمعة 

و الكدب عندهم غاية 

و يبكوا ينزلوا دمعة

و جوا منهم ضحكاية 

و تيجي الطوبة ف المعطوبة 

و يجي الجرح فوق الجرح 

و تقول خلاص اخر نوبة 

و مستني ف يوم الفرح 

هيجي ف يوم اكيد طبعا 

لكن امتى ؟؟ 

..يطول الشرح