نفسي اصحى ف يوم الاقي

نفسي طفلة و بضفاير

اجري زي ما احب و العب

و ارقص و الف اعمل دواير

اعمل عروسة بالقماش

و اعملها عيون زراير

اقولها كوني صديقتي

اوعي تفوتيني وقت ضيقتي

اوعي تسيبيني قلبي حاير

خليكي جمبي

دة الذنب ذنبي

صاحبت ناس باعو الضماير

مش عاوزة اعود تاني كبيرة 

و اكون للاحلام اسيرة

لكن اعمل ايه 

اهو كاس و داير

و مسيرها يوم تحلالي دنيا

و الاقي فرحي مرة تانية

و تهل يوم ليا البشاير