غاروا منك

غاروا منك

 لما قلت ف يوم عليكي

احلى حاجة ف دنيتي 

هي عنيكي

لما قلت انك حبيبتي

انت عشقي و انت و انت

لاموا 

قالوا عاشقها ليه 

لا هي عيونها ملونة

لا بنت باشا و لا حتى بيه

و لا حتى لونها زينا

لا هي اية في الجمال 

و لا عودها يبقى غصن بان

 لا ينضرب بيها مثال

و لا وسطها زي الكمان

دي ضحكها زي العيال

تعشقها ليه هو جنان ؟!

رديت و قلت 

حبيت انا فيها البراءة

في ضحكها و نظرة عينيها

حبيت كمان فيها الجراءة

لو حد يغلط مرة فيها

الحب عمره ما كان للون

لجسم حتى او ملامح

الحب يبقى روح تكون 

بتعشقك من غير مصالح

و العشق عمره ما كان نسب

لو حتى كنت ابن مين

الحب لو كان ليه سبب

هتعيش معاه عمرك حزين

الحب اعجب م العجب 

لو قلب صخرة معاه يلين