في الانعاش

اخر محاولة..يمكن يفوق

بس ان عاش

هتكون حياته 

فيها كتير من الفروق

هيكون جديد

هيكون عنيد

مش هيقبل بالتنازل

يمكن يعيش ف يوم سعيد

و يلحق من عمره اللي فاضل

هيعيش باقيت عمره 

 بكرامته

مش هيقبل بالاهانة

مش هيسيب يوم ابتسامته

و عمره ما يخون الامانة

مش هيكون تاني اناني

هيحب من قلبه بصدق

مش هيضحي بحبه تاني

و قلبه للحب يرق

اصله جرب

لما اجله ساعتها قرب

قال يا رب اديني فرصة

 قبل ما عمري مني يهرب

فرصة اصلح اللي فات

فرصة اسيبلي ذكريات

بدل ما يتقال يوم عليا

احسن حاجة عملها هي

انه فارقنا و مات