بتطلب بس تتقدر 

و انك يوم تكون متشاف

بتتعامل بقلب اخضر

و حواليك ناس قلوبها عجاف

لا بتحب و لا تعبر 

بتتعامل بإحساس جاف

 وشوش مطلية ضحك اصفر

و لو شفت الحقيقة تخاف

و نفسك بس لو تسلم

من الهمسة من النظرات

و من طيبتك تبات تحلم

بعالم كله قال خيرات

لا ناس تحسد و لا تظلم

و لا انسان ف هم يبات 

تفوق من غفوتك تصدم

بواقع مر كله اهات

و برضو تقوم بقلب سليم

تكمل بالرجا يومك

و حتى ان قالوا "اه يا غشيم"

و حتى ان داوموا على لومك

بتتحمل أذى التقطيم

و نفسك تهدي يوم قومك