قرب تعا شوف البلياتشو

له شعر كثيف دايما نافشه

بيحب الخير

و يهادي الغير

و البسمة دايما على وشه

لكن قلبه يا حرام حزنان

دور تلقاه بجروح مليان

و كأنه طير تاه من عشه

و حكايته غريبة مش هتصدق

بلياتشو اصيل صاحب مبدأ

و معاه شهاداته كتيرة بالكوم

و دماغ مليانة باداب و علوم

 كان فاكر حلمه هيتحقق

لف و دور على شغل نضيف

لف مخلاش مكتب توظيف

دور ملقاش

يوم متهناش

اخرتها موظف ف الارشيف

خد بعضه بسرعة و قال يا فكيك

دة مفيش شغلانة تنفع معاليك

ركب مناخير لون وشك

و امحي التكشير و اتقن غشك

بلياتشو تكون و يرحبوا بيك